Anpil fwa nan vi a ap gen des moments kote ke wap gen pou w pran des decisions. Genyen kap pi enpòtan pase lòt, genyen kap mande refleksyon pase lòt. Youn nan desizyon mwen estime ki pi enpòtan epi ki mande refleksyon se desizyon pou w marye ak yon moun kote ke w pral gen pou w fè yon ve a moun sa pou w pase tout rès lavi w bò kote l.

Depi lè m te kwaze w Jasmine e aprè le temps te fini par pemèt ke mwen ak ou nou renmen m te konnen ke m tap gen pou m pran yon desizyon konsa. Desizyon pou nou fòme yon fwaye e viv lavi nou youn bò kote lòt jiskaske lanmò separe nou. Kidonk, desizyon pou nou marye.

Fason w rive konprann mwen ak tanperaman difisil mwen genyen, pou janm te konn ap obsève fason w te konn pran swen papa w, pou jan m te konn ap obsève jan w renmen moun e jan moun renmen lè yo bò kote w, pou jan m te konn ap obsève fason w renmen etid ou, e pou jan m te konn ap obsève fason ke w vle reyisi nan tout sa w antreprann e pou jan finalman w demontre gwo respè, admirasyon ak lanmou pou mwen malgre difikilte nou rankontre pandan peryòd frekantasyon nou te pouse m pran desizyon pou m marye ak ou.

 

 18 desanm 2021 kap rive la  ap yon jou inoubliyab nan istwa lanmou nou, paske devan Bondye ak lèzòm nou pral fè yon ve sakre kote  nou youn pral pwomèt lòt pou nou youn kontinye renmen lòt ak tout kè l. 
 

Mwen pwomèt ou chérie pou m toujou renmen w, pou m pran swen w e toujou la nan bon ak move moman yo jiskaske lanmò separe nou.

 

Mwen renmen w chérie ❤️

​

Josué JOSEPH